ՀԻՆ ԵՐԵՎԱՆ
Երևանի պատմական կենտրոնում իրականացվող եզակի նախագծերից է «Հին Երևան»-ը, որը գտնվում է Հանրապետության հրապարակին հարակից Արամի և Բուզանդ փողոցների միջնամասում։ Նախագծի հիմքում մայրաքաղաքի հին ճարտարապետական տեսքի և մշակութային նշանակության տարածքների պահպանումն է։
Չորս վերգետնյա և չորս ստորգետնյա հարկայնությամբ շենքը գնորդներին հանձնվելու է ինչպես բնակության՝ վերգետնյա երրորդ և չորրորդ հարկերը, այնպես էլ առևտրա-հասարակական նպատակներով։ Վերջին հարկում տեղակայվելու է ապակեպատ բարձրակարգ ռեստորան։
«Հին Երևան» ծրագրի՝ արխիվային նյութերից վերականգնվող շենքը, Ձեզ կտեղափոխի 19-րդ դարի երևանյան կոլորիտային միջավայր:
Նախկինում այս ոճով է եղել վաճառական Ս․ Հախնազարյանի տունը (1880թ․)։ Երկհարկանի շինությունը հանդիսանում էր նշված ժամանակաշրջանի Երևանի ճարտարապետության տիպիկ օրինակներից, որտեղ եղել են խանութներ և բնակելի տներ։
Նախագծի ճարտարապետ՝ Լևոն Վարդանյան